文章

用手動HDR試拍

圖片
用咗超過5年嘅Sony HX90V仍然運作正常,但平時用HDR都用AUTO,未真正測試過佢嘅極限,今次正式以手動把HDR調至最高差距的6EV,看看成像係點!試過之後,發覺手動比AUTO正好多,背光反差正常很多,前景死黑和背景死白冇晒,還原肉眼看的景像。証明出街拍照多點用手動効果會更好!


Leica菲林自動相機

圖片
近排看了個有名的攝影導師嘅youtube,他拿了D菲林相機出來給懷舊拍友解說一番,雖然我多年前的單反菲林相機已賣晒了,但我其實仍珍藏住一部廿幾年前的Leica菲林自動相機留念,呢部"老拉"拍出來的畫質是我用過咁多菲林自動相機最好的!而且是最com的一部,直到現在仍然運作正常,所以我得閒都拿來開動吓玩吓,令部相機保持狀態吧!

我部action cam的問題整好咗! 20200425

圖片
昨晚收到維修員畀電話我,話我部action cam的問題整好咗,但有個壞消息同我講,話我部cam個HDMI唔work!佢話其他同model嘅cam也有此問題,現在公司想緊辨法解決,我話唔等了,因為我都唔用HDMI個功能,最緊要部cam拍釣魚片冇問題,同埋copy到D檔案去PC度畀我剪片就得了!我話你哋現在都未想到解決辨法,我將來要用HDMI先找你整,到時你哋應該解決到吧!回到家第一時間連拍佢個零兩個鐘先啦,好彩D檔案也copy到冇error!叫做搞返掂啦。


Action Cam file 出現error! 20200421

圖片
近排我支持香港公司出的產品,用部性價比超高嘅SUPTIG Eagle 4K Ultra action cam,不過最近拍完釣魚片回家過file去電腦度久不久便出現error!check咗好耐才知係部cam拍片時製造file出問題,最慘係D file時得時唔得,我拍咗成日野回家先出事點搞呢?好彩呢間香港公司都有D責任心,部機畀用家有1年保養,好過淘寶D貨,明天我就拿去整吧。現在用返部冇防震又低級D的 SUPTIG SJ7 Legend嘅action cam 反而還穩定很多吧!不過拍出來D片就有時震到頭暈!





Olympus 機仔拍近攝亦不差!20200414

圖片
上個星期釣魚時見到通處長滿小白花,我就把它拍下來,雖然我部Olympus TG-5 個Sensor 只得1/2.33 大小,但其他設備及功能也不差,所以近攝得來的影像也很正!此照片用了 ISO-100、f/4.5、1/640s 拍下。


泰國巴東拍照19981011

圖片
今日冇出街,在家盤點相片,呢張相是用了Leica菲林自動相機拍的,地點是泰國巴東某海灘,其實當時海灘人流都多,但當時突然D人行開晒,只見1個女郎在面前,意識上我要拍照了,雖然時間短得一閃即逝,但興幸也把握到,冲晒菲林出來的效果也滿意吧!


買件禮物給自己賀年先!20200123

圖片
農曆新年就到,買件禮物給自己賀年先!見到我用緊嘅action cam牌子出咗個又平又勁的Model,佢支援4K60FPS,還有是Touch Screen,更加勁是比GoPro的防震更厲害,人哋通常有5軸防震已經好勁,但佢竟然有6軸防震!呢個我真係第一次聽到,而且部cam有D小方便,就是裸機本身有腳架螺絲窿,唔使加外殼。但它的file size比較大,我set 1080/60FPS去試機拍野,128GB SD Card顯示只拍到5個零鐘頭,比起舊嗰部拍少好多!另外入SD Card時再拿返出來時唔識彈返出來,要用手甲推返出來,有D麻煩!現在用緊尿袋直插部CAM錄爆張CARD測試吓部機有咩問題,如果冇事就可以下次帶去解毒用了。






郊遊拍照20191204

圖片
好耐冇去郊遊拍照,一於同R去謀殺D菲林先,呀...Sorry!應該同R去謀殺D記憶咭先啱!
















九龍寨城公園拍攝設定20190816

圖片
雖然自己喜歡揸住相機去攝影,但有時候也想成為被攝嗰個,同R拍照嘅同時,梗係教識埋佢影相,咁我先有機會出鏡做番個留念嘛。今次給部新相機R同我影,雖然有甩漏,但總算合格過關啦,遲吓同佢去影多幾次,應該好快上手,呢2張相有拍攝敍述分享,看看我同R的拍攝設定吧!




九龍寨城公園20190816

圖片
今次去咗九龍寨城公園試Sony A6400無反相機,配上E PZ18-105mm F4 G鏡,人像對焦快而準,各樣性能超班,唯獨是機身有㸃熱,可能因為相機運算速度提升了很多,以致夏天拍攝時散熱較難,但好彩機身温度仍可接受。